Senatorja Elizabeth Warren e Massachusetts, një ish-rivale e Kamala Harris në zgjedhjet e vitit 2020, deklaroi gjatë fjalimit të saj në Konventën Kombëtare Demokratike, se zv.presidentja do të “marrë përballë ekstremistët e krahut të djathtë”.

Warren u shpreh se Kamala Harris nuk mund të blihet, ndërsa rikujtoi kohën kur ajo punonte si prokurore.

“Ajo do të përballet me korporatat gjigante që po shtrydhin familjet amerikane. E dini çfarë më pëlqen tek Kamala Harris? Kamala Harris nuk mund të blihet dhe ajo nuk mund të drejtohet. Kamala po mbronte familjet si prokurore e përgjithshme e Kalifornisë dhe Donald po mashtronte studentët në Universitetin Trump dhe po përpiqej të fitonte para nga njerëzit që humbisnin shtëpitë e tyre. Ndërkohë, Harris “u ngrit, luftoi bankat gjigante dhe dha miliarda dollarë ndihmë për familjet. Dhe ky është ndryshimi midis një krimineli dhe një prokurori”, tha Warren.

/rtsh.al/