Pas më shumë se sa një vit nga suksesi i fundit në një fushë tenisi, kjo në Paris në qershor 2021, Serena Uilliams është kthyer të fitojë duke mundur 2-0 spanjollen Nuria Parrizas. 6-3 dhe 6-4 ndaj numrit 57-të të Botës në ndeshjen e raundit të parë në turneun “National Bank Open”, WTA 1000, kjo në çimenton e Torontos. Një turne që e ka premion e fitores 2 milion e 697 mijë e 250 dollarë. Ish-numri 1 i tenisit botëror, që tani është thuajse 41 vjeç, i mbush më 26 shtator, ka luajtur me një maskë në fytyrë, kjo nën mollëzën e syrit të djathtë, për t’i shpëtuar bezdisë së një sinoziti kronik, që e ka kushtëzuar në stërvitje dhe në ndeshje.

Tani ndeshja e saj e radhës do të jetë me fituesen e çiftit Belinda Bençiç, numri 12 në botë, dhe Tereza Martinkova, numri i 71-të në renditjen botërore. “Besoj që do të jetë një dritë në fund të tunelit dhe unë jam duke iu afruar – ka komentuar Uilliams pas fitores – Mezi pres ta arrijë atë dritë. E adhuroj të luaj dhe të jem në fushë, është fantastike, por nuk mund ta bëj gjithmonë. Ndonjëherë kërkon ta provosh dhe t’i gëzohesh momentit duke bërë më të mirën tënde”.