enistja amerikane Serena Williams ka siguruar kualifikimin për në gjysmëfinalet e US Open, pas fitores 2-1 (4-6, 6-3, 6-2) ndaj bullgares Tsvetana Pironkova. Një fitore e vështirë e motrës së vogël Williams, që humbi setin e parë. Gjithsesi, Serena tregoi gjithë potencialin e saj në dy setet e tjera, duke përmbysur shifrat dhe fituar.

Përballë Serena Williams në gjysmëfinale do të jetë tenistja bjelloruse Victoria Azarenka. Ajo mposhti në çerekfinale belgen Elise Mertens 2-0 (6-1, 6-0). Një ndeshje që ishte si një stërvitore për Azarenka, që humbi vetëm një “game”, duke patur epërsi në fushë.

Nuk ka surpriza te meshkujt, me tenistët pretendentë që avancojnë në gjysmëfinale. I pari është austriaku Dominic Thiem, numri 3 në botë, që mundi 3-0 (6-1, 6-2, 6-4) australianin Alex de Minaur. Përballë Thiem në gjysmëfinale do të jetë rusi Daniil Medvedev, që mposhti 3-0 (7-6, 6-3, 7-6) patriotin e tij Andrey Rublev në çerekfinale.