Serena Williams rikthehet në fushë me fitore, sfidon motrën Venus

Sporte të tjera | 6 vite më parë

Në turneun e Lexington, në Amerikë, kanë zbritur në fushë disa nga tenistet “big”, që përgatiten për të luajtur në grand slam të US Open. Njëra prej tyre është edhe Serena Williams, që në raundin e parë fitoi 2-1 ndaj Bernarda Pera, një duel mes dy tenistesh amerikane.

Serena nuk ishte në formën optimale (luante pas 6 muajsh pushim), por falë përvojës dhe grintës, si dhe me pak fat, arriti të kalojë rivalen. Në raundin e dytë ajo do të përballet me motrën e saj Venus Williams, që mposhti 2-0 bjellorusen Viktoria Azarenka. Kjo do të jetë sfida nr.31 mes dy motrave Williams në karrierën e tyre.

Në turneun e Lexington luan edhe “baby Gauff”, tenistja 17-vjeçare që konsiderohet si e ardhmja e tenisit. Coco Gauff mundi 2-0 Caroline Dehlaide, duke avancuar në raundin e dytë të këtij turneu.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.