Shkollat profesionale për të rinjtë, Gonxhja: 7320 lekë/muaj financim për 2500 bursa studimi

Sociale | 2 vite më parë

Ministria e Ekonomisë, Kulturës dhe Inovacionit bëri të ditur të dielën se mbështet nxënësit që ndjekin arsimin e mesëm profesional me mbi 2500 bursa studimi deri në 7320 lekë/muaj për të rinjtë që ndjekin shkollën profesionale.

Ministri i Ekonomisë, Kulturës dhe Inovacionit, Blendi Gonxhja, nëpërmjet një postimi në rrjetet sociale u shpreh se, MEKI mbështet vajzat, nxënësit që regjistrohen në degët me përparësi, nxënësit nga familjet në nevojë si dhe nxënësit që banojnë mbi 5 km larg nga shkolla profesionale.

Gjithashtu, MEKI mbështet ekselentët që kanë mbaruar vitin shkollor paraardhës në arsim profesional me notë mesatare mbi 9, si dhe grupet e veçanta.

Gonxhja fton të rinjtë të regjistrohen përmes e-Albania, në shërbimin “Regjistrim në klasë të dhjetë”.

Të interesuarit mund të klikojnë edhe në faqen www.aftesi.al për të mësuar më shumë dhe për t’u regjistruar që sot.

Kush mbështeten?

Mbi 2500 bursa studimi deri në 7320 lekë/muaj për të rinjtë që ndjekin shkollën profesionale

Mbështesim vajzat

Mbështesim nxënësit që regjistrohen në degët prioritare

Mbështesim nxënësit nga familjet në nevojë

Mbështesim nxënësit që banojnë mbi 5 km larg nga shkolla profesionale

Mbështesim ekselentët që kanë mbaruar vitin shkollor paraardhës në arsim profesional me notë mesatare mbi 9

Mbështesim nxënësit nga grupet e veçanta

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.