Shqipëria vlerësohet nga Komuniteti i Energjisë në Vjenë, nënvizohet roli udhëheqës në zhvillimin e tregut

Shqipëria ka marrë sërish një rol udhëheqës në zhvillimin e tregut të energjisë elektrike kohët e fundit. Vlerësimi vjen nga Sekretariati i Komunitetit të Energjisë në Vjenë, ndërsa Shqipëria është duke udhëhequr Presidencën e këtij Komuniteti për vitin 2023.
Shqipëria është vlerësuar për arritjet në sektorin e energjisë elektrike. Në një takim të këtyre ditëve mes Entit Rregullator të Energjisë Shqiptare ERE dhe Sekretariatit të Energjisë në Vjenë, janë shkëmbyer mendime mbi zhvillimin e mëtejshëm të tregut të energjisë elektrike në Shqipëri dhe është vlerësuar ky treg.
Sipas burimeve zyrtare, takimi është fokusuar në zhvillimet e mëtejshme të tregut të energjisë elektrike në Shqipëri pas nisjes së tregut të një dite më parë të operuar nga Bursa Shqiptare e Energjisë, ALPEX në 11 prill.
Sekretariati ka vlerësuar transpozimin dhe zbatimin e paketës së integrimit të tregut të energjisë elektrike të miratuar në Komunitetin e Energjisë në dhjetor 2022, përcaktimin e Operatorit të Nominuar të Tregut të Energjisë (NEMO), projektet e bashkimit të tregut, duke përfshirë hapat dhe sfidat e ardhshme për t’iu bashkuar BE-së. bashkimi përpara dhe roli monitorues i ERE-s.
Në fillim të vitit, Ministrja e Infrastrukturës dhe Energjisë, Balluku priti drejtorin e Sekretariatit të Komunitetit të Energjisë, zotin Artur Lorkowski, ku u vlerësua progresi i ndjeshëm gjatë vitit 2022 për sa i përket zhvillimit të diversifikimit të burimeve të rinovueshme përmes ankandeve.
Në takim, është theksuar se Shqipëria ka qenë vendi i parë që ka miratuar Planin Kombëtar për Energjinë dhe Klimën, duke adoptuar të gjithë targetet e vendosura nga Bashkimi Europian
Shqipëria është duke udhëhequr Presidencën e Komunitetit të Energjisë përgjatë vitit 2023. Bashkëpunimi i viteve të fundit me Sekretariatin e Energjisë, të vendosur në Vjenë, ka qenë një proces në progres të vazhdueshëm.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.



