Situata e furnizimit me ujë në Finiq, qeveria ka investuar 13 milion euro deri më tani

Sociale | 2 vite më parë

Njësia e Ujësjellës Kanalizimeve në Bashkinë e Finiqit ka përballuar me sukses furnizimin me ujë të konsumatorëve gjatë sezonit të verës, pasi numri i tyre është rritur me kthimin e përkohshëm të emigrantëve në vendlindje.

Nga kjo njësi furnizohen banorët e 58 fshatrave në 5 njësi administrative, ku një pjesë e tyre janë në reliev malor.

Megjithatë, gjatë 4 viteve të fundit qeveria shqiptare ka investuar rreth 13 milion euro në tre rrjete ujësjellësash në territorin e Bashkisë së Finiqit.

Konkretisht, janë kryer investime në rrjetet e ujësjellësave tê Merkos, Syrit të Kaltër dhe të Leshinicës.

Njëkohësisht, kjo njësi ka filluar nënshkrimin e kontratave të reja me konsumatorët, ku numri i tyre deri tani ka arritur në 2750.

Gazetar: K. Xhai

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.