SPAK kërkon pushimin e procedimit, shtyhet seanca në GJKKO për Irena Gjokën

Aktualitet | 6 muaj më parë

Në Gjykata e Posaçme u shty seanca ku do të shqyrtohej kërkesa e SPAK për pushimin e procedimit ndaj gjyqtares Irena Gjoka.

Seanca, e drejtuar nga gjyqtarja Marinela Osmani, u shty për më 4 maj pas kërkesës së një prej kallëzuesve, Adriana Kalaja.

Gjoka ishte kallëzuar nga Partia Demokratike e Shqipërisë me pretendimin se kishte fshehur një dënim nga një gjykatë në Janinë.

Por sipas SPAK, procesi ishte zhvilluar në mungesë dhe ajo nuk kishte dijeni, ndërsa edhe nëse vendimi merret si i mirëqenë, ndjekja penale konsiderohet e parashkruar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.