SPAK merr të pandehur për shpërdorim detyre kryetarin e Bashkisë së Devollit, Eduart Duro

Aktualitet | 2 vite më parë

Prokuroria e Posaçme (SPAK) ka marrë të pandehur kryetarin socialist të bashkisë së Devollit, Eduart Duro.

Bëhet me dije se Duro akuzohet për shpërdorim detyre lidhur me licencën e një biznesi, pikë karburanti në Bilisht, që ishte ndërtimi pa leje. Atij i është komunikuar akuza nga SPAK pak ditë më parë.

Bashkia e Devollit ka reaguar duke pretenduar se procedura është kryer komfor ligjit.

“Autorizimi është bërë nga Drejtoria e Tatim Taksave, komfor ligjit. Në këtë rast, nga ana e kryetarit të bashkisë Eduard Duro është firmosur autorizimi, duke plotësuar detyrën në kushtet e një kryetari bashkie. Nga ana e palës tjetër është bërë denoncim se ky dokument nuk duhej t’i jepej subjektit, por në këtë rast autorizimi është dhënë sipas ligjit”, thuhet në reagim.

Ky është mandati i dytë i Duros në krye të Bashkisë së Devollit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.