Një pakt i rëndësishëm koordinimi mbi përdorimin e përbashkët të mjeteve të tyre përkatëse bërthamore është nënshkruar tw enjten midis Mbretërisë së Bashkuar dhe Francës. Marrëveshja u finalizua në samitin midis Kryeministrit britanik, Keir Starmer dhe Presidentit francez, Emmanuel Macron, i mbajtur në bazën ushtarake Northwood, pak jashtë Londrës.

Sipas Kryeministrit Starmer, ky pakt shërben si një “paralajmërim për kundërshtarët tanë”. Ai theksoi në konferencën e përbashkët për shtyp se tani, si rezultat i kësaj marrëveshjeje, armiqtë e dy kombeve “e dinë se dy kombet tona do të reagonin së bashku” – automatikisht – ndaj një sulmi hipotetik jokonvencional kundër njërit prej tyre.

Kjo deklaratë zyrtare shënon një hap të rëndësishëm në bashkëpunimin strategjik midis dy fuqive bërthamore evropiane, duke synuar forcimin e aftësisë së tyre parandaluese dhe sigurisë reciproke. ANSA

/rtsh.al/