Sulm masiv në Odesa, 18 të plagosur, dëme të mëdha materiale

Botë | 6 muaj më parë

Të paktën 18 persona kanë mbetur të plagosur si pasojë e një sulmi masiv në Odesa, ndërsa janë dëmtuar gjithashtu ndërtesa banimi, objekte sociale dhe biznese.

Sipas kreut të administratës ushtarake të rajonit, Serhii Lisak, sulmet kanë goditur disa lagje të qytetit, duke shkaktuar zjarre në ndërtesa shumëkatëshe dhe në banesa private. Informacioni u raportua nga agjencia ukrainase Ukrinform.

Autoritetet bëjnë të ditur se dëmet më të mëdha janë regjistruar në Rrethin Primorsky, ku disa ndërtesa kanë pësuar shkatërrime të konsiderueshme.

Ndërkohë, ekipet e emergjencës vijojnë punën në terren për shuarjen e zjarreve dhe për t’u ardhur në ndihmë të plagosurve, ndërsa bilanci i viktimave mund të ndryshojë në orët në vijim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.