Surprizon Modric, do të jetë kundër Genoa-s

Futboll Bota | 6 muaj më parë

Luka Modric është në dispozicion të Max Allegrit për ndeshjen e Milanit jashtë fushe kundër Genoas, vendimtare për fatin evropian të kuqezinjve. Mesfushori kroat, i cili iu nënshtrua një ndërhyrjeje kirurgjikale vetëm tri javë më parë për të trajtuar një frakturë të pësuar në një përplasje me Manuel Locatelli-n gjatë ndeshjes kundër Juventusit, përfundoi seancën e tij të fundit stërvitore me grupin.

Në Marassi, i veshur me një maskë mbrojtëse speciale që e testoi këtë mëngjes, ai do të jetë në gjendje të kontribuojë në synimin e kuqezinjve për Ligën e Kampionëve. Gjatë dy javëve të fundit, kroati është stërvitur rregullisht, megjithëse veçmas, dhe, duke pasur parasysh dëmtimin e kyçit të këmbës që pësoi Ricci këtë mëngjes, nuk përjashtohet mundësia që ai të fillojë nga minuta e parë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.