Të kërkuar nga drejtësia shqiptare, ekstradohen sot nga Dubai 3 pjesëtarë të organizatave kriminale

Kronikë | 1 vit më parë

Aldo Xhika, Maksim Koçi dhe Ervis Daka, tre të shumëkërkuar nga drejtësia shqiptare, pritet të ekstradohen ditën e sotme (19 qershor) nga Dubai. Të tre personat rezultojnë pjesëtarë të organizatave kriminale.

Aldo Xhika akuzohet nga GjKKO-ja, se në kuadër të organizatës kriminale, ka përkrahur një shtetas të shumëkërkuar. Ervis Daka akuzohet nga Gjykata e Posaçme si pjesëtar i një organizate kriminale që ka planifikuar vrasje dhe si përkrahës i një shtetasi të shumëkërkuar.

Ndërkohë, ndaj Maksim Koçit rëndojnë akuzat për vrasje dhe sigurim të mjeteve për të kryer vrasje, të kryera në kuadër të organizatës kriminale, si dhe si përkrahës i një shtetasi të shumëkërkuar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.