Terim kthehet në pankinë, turku drejt stolit të Panathinaikos

Futboll Bota | 3 vite më parë

Ivan Jovanovic nuk është më trajneri i Panathinaikos. 61-vjeçari serb ka prishur kontratën që e lidhte me klubin grek. Një vendim disi i papritur sepse skuadra nga Athina mban vendin e dytë në renditjen e Superligës greke dhe pozicioni i teknikut Jovanovic nuk ishte në diskutim.

Por tashmë gjithçka është bërë zyrtare dhe pas më shumë se 2 vitesh në krye të stolit të Panathinaikos do të ulet një trajner i ri. Mediat turke janë të sigurta se zëvendësuesi i Jovanovic do të jetë Fatih Terim.

Tekniku i mirënjohur, që më herët ka drejtuar klube si Galatasaray, Fiorentina dhe Milan apo kombëtaren e Turqisë, është aktualisht në Greqi për të firmosur kontratën që e lidh me Panathinaikos deri në 30 qershor të vitit 2025. Terim nuk stërvit një skuadër që nga janari i vitit 2022, kohë kur u largua nga drejtimi i Galatasaray.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.