Terror në shtëpinë e Aubameyang

Sporte të tjera | 4 vite më parë

Momente frike për sulmuesin e Barcelonës, Pierre-Emerick Aubameyang. Ish-qendërsulmuesi i Borussia Dortmundit dhe Arsenalit, sipas gazetës spanjolle El Pais, pas ndeshjes kundër Valladolidit të fituar 4-0 nga djemtë e Xavi(gabonezit mbeti në stol) është përballur me një grabitje në shtëpinë e tij në Castelldefels(Barcelona).

Sipas burimeve policore, të paktën katër burra janë ngjitur dhe e kanë kërcënuar me armë zjarri dhe shufra hekuri dhe e kanë rrahur. Të kërcënuar me armë, ai dhe gruaja e tij kanë hapur kasafortën, nga e cila janë marrë disa bizhuteri para se grabitësit të iknin me një Audi A3 të bardhë. Për të raportuar ngjarjen ka qenë gruaja e futbollistit. Policia po heton rastin.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.