Teuta mbijeton, Pogradeci dorëzohet në fund

Futboll Vendi | 6 muaj më parë

Teuta ka arritur të sigurojë qëndrimin në “Abissnet Superiore” pas fitores 1-0 në play-out përballë Pogradecit, në një ndeshje që erdhi për shikuesit në ekranin e RTSH2.

Në ndeshjen e luajtur në “Niko Dovana”, skuadrat u shfaqën të kujdesshme në fushën e lojës, me shumë pak raste të rrezikshme në portat respektive.

Kur sfida po u drejtohej 10 minutave të fundit të kohës së rregullt, pogradecarët humbën shërbimin e futbollistit Friman Pius, i cili u ndëshkua me karton të kuq nga gjyqtari, Enea Jorgji pas rishikimit në VAR.

Moment që solli shumë tension në fushë, por më pas skuadrat iu rikthyen lojës dhe në minutën e 93-të ishte Daci që shënoi golin e fitores për durrsakët, duke siguruar qëndrimin në “Abissnet Superiore”. Pogradeci duhet të riniset edhe njëherë nga Kategoria e Parë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.