Një lamtumirë e konsumuar në një verë të mundimshme, një marrëdhënie që përfundoi nga “domosdoshmëria”, një situatë më shumë e detyruar sesa e kërkuar apo e dëshiruar. Nga Riadi, ku Milani bëri një paraqitje të shpejtë dhe zhgënjyese kundër Napolit në gjysmëfinalen e Superkupës së Italisë, ish-mbrojtësi i Milanit, Theo Hernandez, foli për herë të parë për ndarjen e tij pas gjashtë sezonesh me fitore, pasion, por edhe vështirësi.

Ai e bëri këtë në një intervistë të gjatë me Gazzetta dello Sport: ” “Nuk do të kisha ikur kurrë. Prioriteti im ishte të qëndroja. Drejtimi që ka marrë klubi dhe disa nga vendimet e tij nuk pasqyrojnë vlerat dhe ambiciet që më sollën në Milano. Kur arrita, ishin Massara, Boban dhe Maldini, idhulli im. Ibra është një lojtar i nivelit të lartë, por pas Paolos, gjithçka ndryshoi për keq.”

Ndihem shumë mirë tek Al Hilal. Ishte zgjedhja më e mirë. E vetmja anë negative është trafiku: i tmerrshëm”, ka thënë mes të tjerash Theo Hernandez.