Izraeli ka reaguan ndaj thirrjes së bërë nga Shtetet e Bashkuara, Egjipti dhe Katari për një armëpushim dhe marrëveshje për lirimin e pengjeve.

Duke iu përgjigjur “ofertës së Shteteve të Bashkuara dhe ndërmjetësve”, zyra e kryeministrit izraelit Benjamin Netanyahu njoftoi se Izraeli do të dërgojë një delegacion në Doha ose Kajro më 15 gusht për të rënë dakord mbi detajet e kornizës së armëpushimit të Gazës të formuluar nga Egjipti, Shtetet e Bashkuara dhe Katari.

Ndërkohë, Hamasi ende nuk i është përgjigjur thirrjes së bërë.

Pavarësisht raundeve të shumta bisedimesh, sfida e arritjes së një armëpushimi dhe marrëveshjes për lirimin e pengjeve deri më tani ka rezultuar e pakapshme.

Hamasi po shtyn për një armëpushim, por kryeministri izraelit Benjamin Netanyahu ka thënë se konflikti mund të ndalet vetëm pasi Hamasi të mposhtet.

Të enjten, Izraeli vazhdoi bombardimin e Rripit të Gazës. Forca e mbrojtjes civile të Gazës, e drejtuar nga Hamasi, tha se goditi dy shkolla, duke vrarë më shumë se 18 njerëz. Ushtria izraelite tha se kishte goditur qendrat komanduese të Hamasit.

Çdo bisedë e propozuar mund të bëhet edhe më e vështirë nga vendimi i Hamasit për të zgjedhur Yahya Sinwar si udhëheqësin e ri, duke zëvendësuar Haniyeh.

Sinwar, të cilin Izraeli e konsideron përgjegjës për planifikimin dhe ekzekutimin e sulmeve të 7 tetorit, shihet si një nga figurat më ekstreme të grupit .

Mes frikës së një sulmi nga Irani ose aleatët e tij, kabineti i sigurisë i Izraelit u takua të enjten në një bunker nëntokësor, në vend të vendit të zakonshëm të takimit.

/rtsh.al/