Në moshën 35-vjeçare, Thomas Müller po shkruan kapitullin e fundit të karrierës së tij legjendare me Bayern. Me skadimin e kontratës, simboli i klubit bavarez do të thotë lamtumirë pas Kupës së Botës për Klube, por ai synon ta bëjë këtë si protagonist. E demonstroi këtë në debutimin e tij kundër Auckland City, ku shënoi dy gola në fitoren sensacionale 10-0 të arritur nga skuadra e Kompany.

Müller qëndroi në fushë për të gjitha 90 minutat, diçka që nuk ka ndodhur që nga prilli. Pavarësisht vapës përvëluese, sulmuesi gjerman ishte entuziast: “Luajtëm me intensitet dhe seriozitet. Donim të shënonim në çdo aksion. Edhe nëse është vapë, nuk duhet të ndalesh kurrë, ky është mentaliteti që na shpërbleu”.

Ndërkohë, mbetet pasiguria mbi të ardhmen e sulmuesit, i cili i tha Sky Sport DE: “Nuk kam marrë ende ndonjë ofertë të papërmbajtshme, por do të doja të vlerësoja një që është jashtë normales. Dua të vazhdoj të luaj, por pa u nxituar. Projekti do të duhet të jetë perfekt”.

Për momentin, thuhet se shtatë klube kanë bërë lëvizje: Los Angeles FC, Cincinnati dhe San Diego në MLS, Vissel Kobe në Japoni, si dhe Fiorentina, Fenerbahçe dhe Galatasaray. Asnjë mundësi, për momentin, nuk duket se e tundon Mullerin, i cili me siguri do të kishte preferuar të vazhdonte të luante në ekipin që e bëri kampion.