Rajoni Autonom i Tibetit ka regjistruar rreth 34 milionë turistë vendas dhe të huaj këtë vit, me të ardhura që arritën në 35.8 miliardë juanë (5.4 miliardë dollarë), njoftoi Departamenti i Zhvillimit të Turizmit në Tibet, transmeton “China Daily”.
Pavarësisht ndikimit të pandemisë së koronavirusit, industria e turizmit në rajon pati një zhvillim të mirë. Në gjysmën e parë të vitit, rimëkëmbja e tregut të turizmit të Tibetit u vendos mbi të gjitha rajonet dhe provincat e tjera në Kinë, me normën më të mirë të rikthimit në shkallë kombëtare.
Sipas “Trip.com”, një ndër faqet kryesore të internetit të shërbimeve kineze të udhëtimit, tregu i turizmit i rajonit u rikthye në normë në tremujorin e tretë dhe pati një rritje prej 15.4 për qind të turizmit në shtator dhe 20.3 për qind në tetor krahasuar me të njëjtën periudhë të vitit të kaluar.