Tifozët e Brazilit në mbështetje të Pele: Shërohu shpejt

Uncategorized | 4 vite më parë

Tifozët e Brazilit kanë shprehur mbështetjen e tyre për të madhin Pele para ndeshjes së kombëtares kundër Kamerunit në Kupën e Botës. 82-vjeçari Pele u shtrua në spitalin Albert Einstein në São Paulo të martën për të rregulluar mjekimin e tij kundër kancerit. Tifozët mbanin një banderolë me një imazh të Pele duke mbajtur një top futbolli pas një prej golave në stadiumin Lusail.

Një imazh i yllit të madh brazilian mund të shihet edhe në një ndërtesë pranë stadiumit. Imazhi shoqëronte mesazhet “shërohu shpejt” dhe “e duam Pelen”. “Miq, unë jam në spital duke bërë vizitën time mujore”, shkroi Pele në Instagram të enjten. “Është gjithmonë bukur të marrësh mesazhe pozitive si këto. Faleminderit Katarit për këtë nderim dhe të gjithëve që më dërgojnë mesazhe!” shtoi O’Rey.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.