Tirana, fitore e shpejtë në “Asllan Rusi”

Sporte të tjera | 2 vite më parë

Tirana në volejboll për femra ka marrë një fitore të shpejtë ndaj Barleti Volej, ndërsa në sallën kryesore të Pallatit të Sportit “Asllan Rusi”, në një hark kohor prej një orë e 20 minuta, ka fituar 3-0. Nëse në setin e parë e të tretë Tirana ka fituar me lehtësi, 25-20 dhe 25-14, në të dytin i është dashur punë.

Deri në 24-23 ka kryesuar Barleti Volej dhe atëherë kur i duhej suksesi vajzat e Altin Gorencës kanë gabuar. 24-24 dhe në fund 26-24 dhe 3-0 për bardheblutë, që ngjiten në kuotën e 14 pikëve në gjashtë javë.

Java e gjashtë do të mbyllet me sfidat Skënderbeu – Partizani, Vllaznia – Teuta dhe Pogradeci – Dinamo për femra, kurse për meshkuj Skënderbeu – Partizani, Elbasani – Tirana dhe Vllaznia – Teuta e Studenti pushim. Kampionati vazhdon të kryesohet nga Partizani si për femra, ashtu dhe për meshkuj.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.