Tirana Foto Festival, 2024 -Çmimi i parë për fotografin fierak Eduart Gjino me fotografinë “rrënjët”

Sociale | 2 vite më parë

Fotografia “Rrënjët” e fotografit fierak, Eduart Gjino është vlerësuar nga juria me çmimin e parë në edicionin e 7- të të Festivalit Ndërkombëtar të Fotografisë që po mbahet në Tiranë nga 15 deri 22 korrik.

Më pëlqeu shumë tema “rrënjët” dhe unë kisha foto të bukura nga Myzeqeja dhe veshje që përfaqësojnë edhe Fierin dhe vendosa të aplikoja”, tha ai.

Interesant është fakti që fotografi ka realizuar përherë portrete reale si foto artistike.

Modelja e re fierake Daria Dimo kujton emocionet ku është bërë fotoja fituese, shfaqja “Medea” me regji të Klajdi Markut në teatrin “Bylis” të Fierit. “Ishte shumë emocion, u mundova të bëj më të mirën, tha ajo.

Për fotografin fitues, Eduart Gjino, pasioni për fotografinë është i trashëguar nga të afërmit e tij Kristaq dhe Ristanke Qose, ndër fotografët e parë në Fier.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.