Presidenti i SHBA-së ka deklaruar se forcat ushtarake të Iranit janë shkatërruar pothuajse plotësisht, duke lënë të hapur mundësinë për veprime të mëtejshme ose për një marrëveshje të re diplomatike.

Deklaratat e tij u bënë gjatë një fjalimi diplomimi në Akademinë e Rojeve Bregdetare të SHBA-së.Pikat kryesore nga fjalimi i Trump.

Presidenti pohoi se Irani ka humbur pjesën më të madhe të kapaciteteve të tij operative.

Ai specifikoi se marina dhe forcat ajrore iraniane janë zhdukur.

Sipas tij, pyetja e vetme tani është nëse SHBA do të ndërhyjë për të “përfunduar punën” apo nëse Irani do të pranojë të nënshkruajë një marrëveshje.

“Çdo gjë ka mbaruar. Marina e tyre ka marrë fund dhe forca ajrore po ashtu. Pothuajse çdo gjë,” tha presidenti amerikan.

Në mbyllje të komenteve të tij të shkurtra për këtë çështje, Trump u tregua i kujdesshëm për të mos parashikuar hapat e radhës, duke thënë thjesht: “Le të shohim se çfarë do të ndodhë”.

Situata mbetet e tensionuar, ndërsa vëzhguesit ndërkombëtarë po presin reagimin zyrtar të Teheranit ndaj këtyre deklaratave të forta.

/rtsh.al/