Shtetet e Bashkuara kanë autorizuar përkohësisht shitjet e naftës iraniane, duke lehtësuar sanksionet e vendosura që prej vitit 1979.

Departamenti i Thesarit publikoi një licencë të përgjithshme 60-ditore, e cila lejon prodhimin, dorëzimin dhe shitjen e naftës bruto dhe produkteve petrokimike me origjinë iraniane deri më 21 gusht. 

Ky hap vjen si pjesë e një kuadri të ri të arritur mes Uashingtonit dhe Teheranit, ku Irani është zotuar të garantojë tranzit të lirë në Ngushticën e Hormuzit dhe të lejojë inspektorët e IAEA të hyjnë në vend.

Pagesat për shitjet mund të kryhen në dollarë amerikanë, ndërsa disa rajone si Kuba, Koreja_e_Veriut dhe Krimea mbeten të përjashtuara nga licenca. 

Historikisht, SHBA vendosi sanksione ndaj Iranit pas revolucionit të vitit 1979 dhe i ka forcuar ato për shkak të programit bërthamor dhe mbështetjes së grupeve të cilësuara si terroriste.

Para rikthimit të sanksioneve në vitin 2018, blerës të mëdhenj të naftës iraniane ishin India, Koreja e Jugut, Japonia, Italia, Greqia, Taiwani dhe Turqia. 

Ndërmjetësuesit e bisedimeve në Zvicër raportuan “përparim inkurajues” drejt një marrëveshjeje paqeje përfundimtare, ndërsa çmimet e naftës kanë rënë ndjeshëm pas marrëveshjes së ndërmjetme që zgjati armëpushimin e brishtë. 

/rtsh.al/