Uli Hënes: Tomas Tuhel ishte një katastrofë për Bajernin

Gjermani | 2 vite më parë

Në Mynih Tomas Tuhel fitoi 37 prej 61 ndeshjeve ku drejtoi Bajernin ndërsa skuadra dështoi që të fitonte titullin kampion për të dymbëdhjetën herë radhazi. Përtej këtyre shifrave 51-vjeçari ka dështuar që të fitonte zemrën e Uli Hënesit.

Presidenti i nderit i Bajernit gjatë një takimi sekret të mbajtur javën e kaluar në “Allianz Arena” përballë 120 punonjësve të klubit ka mbajtur një fjalim ku ka përmendur edhe epokën Tuhel.

Në samitin e titulluar “Leadership Summit” Hënes u tha të pranishmëve për rëndësinë e identitetit bavarez të klubit ndërsa nuk harroi që të theksonte se Tomas Tuhel ishte një “katastrofë” për klubin.

“Sport Bild” ka bërë publike pjesë të fjalës së Hënes, i cili akuzonte Tuhel se nuk bënte mjaftushëm për të promovuar lojtarët e rinj.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.