“Unë di si ta mposht Khabib, ma jepni një shans t’ua vërtetoj”

Dustin Poirier, i konsideruar si rivali më i fortë i Khabib Nurmagomedov në kafaz pas duelit që ata zhvilluan në UFC-242 e ku rusi fitoi me vështirësi, është shprehur se është gati të duelojë sërish me kampionin e botës. Madje ai ka thënë se këtë herë nuk do të përsëritë gabimin e sfidës së parë, kur nuk arriti ta mposhtë Khabib edhe pse pati një shans.
“E ndjej se jam në formën më të mirë dhe më i forti në botë. Kam bërë gabime dhe Khabib më ka mundur, por unë e di se si ta mposht atë në kafaz. E di se mund ta mund në kafaz këtë herë. Unë mund t’i mund të gjithë këta djemtë me të cilët ai po duelon dhe e kam bërë këtë gjë”, tha Dustin Poirier.
Më tej, 31-vjeçari amerikan (26 fitore, 6 humbje e 1 barazim në kafaz) tha: “Dua të jem më i miri në botë, dua të jem një kampion i padiskutueshëm. Shpresoj që UFC-ja të ma japë sërish një shans të dueloj ndaj Khabib dhe do t’ua vërtetoj se nuk gaboj kur them se do ta mund”.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




