Punimet në Urgjencën e sëmundjeve të brendshme në QSUT nuk kanë përfunduar ende, ndonëse ishte parashikuar që fundi i muajit maj do ta gjente atë në funksion të plotë.

Grupet e punës janë duke punuar ende dhe duket se volumi i punimeve është drejt fundit për t’u hapur me shumë gjasë në javën e parë të  qershorit.

Dhomat në shërbimin e urgjencës vijojnë të presin një numër të kufizuar pacientësh, ndërkohë që dritat janë instaluar. Firma e punimeve po kryhen testime në rrjetin elektrik dhe atë të aspirimit për rikthimin e plotë të shërbimit të sigurt për qytetarët.

30 mln lekë u alokuan për kthimin në funksion të urgjencës së QSUT, ndërkohë Prokuroria e Tiranës kërkoi një riinspektim të shkaqeve të zjarrit.

Më 11 shkurt të këtij viti një shkëndijë elektrike në një nga dhomat teknike në katin e 2-të dëmtoi të gjithë sistemin elektrik, çka bëri të pezullohet puna në spitalin e ri.

/rtsh.al/