Urgjenca e QSUT rikthehet në funksion, hapet javën e ardhshme me kapacitet të plotë

Sociale | 2 vite më parë

Urgjenca e sëmundjeve të brendshme në QSUT do të hapet javën e ardhshme me kapacitet të plotë për pacientët.

Drejtoresha e QSUT-ës, Alma Cani konfirmon se punimet kanë përfunduar dhe se aktualisht po testohen linjat elektrike dhe instalimet e aparaturave.

Nga testimet nuk janë konstatuar dëme në aparatura imazherike të renda si skaner dhe rezonancë, ndërsa aparatura e angiografit, që përdoret për realizimin e procedurave të koronarogrisë, ende nuk është instaluar.

Më 11 shkurt të këtij viti, një shkëndijë elektrike në një nga dhomat teknike në katin e 2-të dëmtoi të gjithë sistemin elektrik, çka bëri të pezullohet puna në spitalin e ri. 30 mln lekë u alokuan për kthimin në funksion të urgjencës së QSUT, ndërkohë Prokuroria e Tiranës kërkon një riinspektim të shkaqeve të zjarrit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.