US Open në krizë, tërhiqet nga turneu edhe kampionia në fuqi

Sporte të tjera | 6 vite më parë

Tenistja kanadeze Bianca Andreescu, kampione në fuqi e grand slam të US Open, ka vendosur të mos mbrojë titullin fituar vitin e kaluar. 20-vjeçarja, që vjet mundi në finale Serena Williams, ka deklaruar se nuk do të luajë në turneun që nis më 31 gusht, në Nju Jork.

Andreescu nuk luan që prej tetorit të vitit të kaluar, për shkak të dëmtimit në “WTA Finals”. Ndërkohë, që edhe frika nga pandemia e Covid-19 ka bërë që ajo të mos luajë në turneun nju-jorkez.

“Të mos luaj në Nju Jork ishte një vendim shumë i vështirë për mua, pasi jam kampione në fuqi. Mora këtë vendim për t’u fokusuar më shumë te rikuperimi pas dëmtimit, për t’u rikthyer në fushë në nivelet e dikurshme”, tha tenistja kanadeze.

Bianca Andreescu është tenistja e katërt nga “top-20” më të mirat në botë që tërhiqet nga US Open, pas Ashleigh Barty (numri 1), Elinsa Svitolina (5) dhe Kiki Bertens (7). Në dilemë është edhe prania e Simona Halep (numri 2), që nuk ka vendosur ende.


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme