“Vendim i pamerituar”/ Ambasadori shqiptar në Holandë për vendimin e Speciales: Lufta për të vërtetën vazhdon!
Ambasadori i Shqipërisë në Holandë, Artur Kuko, ka reaguar pas vendimit të Dhomave të Specializuara në Hagë ndaj katër ish-komandantëve të Ushtrisë Çlirimtare të Kosovës.
Në një prononcim për gazetaren e RTSH-së, Jonida Omeri, Kuko e ka cilësuar vendimin si “jashtëzakonisht të hidhur”, duke shprehur qëndrimin e tij se ai ishte i papritur dhe i pamerituar.
“Vendimi ishte tmerrësisht i hidhur dhe krejtësisht i pamerituar e i papritur. Kjo ishte vetëm një betejë për të vërtetën. Lufta për të vërtetën vazhdon!”, ka deklaruar Kuko.
Deklarata e ambasadorit shqiptar vjen pas shpalljes së aktgjykimit ndaj Hashim Thaçit, Kadri Veselit, Jakup Krasniqit dhe Rexhep Selimit nga Dhomat e Specializuara në Hagë.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
