Vendoset treni në “Syrin e Kaltër”, siti natyror më i preferuar nga turistët

Sociale | 2 vite më parë

Syri i kaltër është një nga perlat e natyrës shqiptare i cili ndodhet rreth 21 km larg qytetit të Sarandës ka një burim me ujëra të ëmbla e të freskëta, rrethuar me një gjelbërim të përhershëm.

Çdo ditë ky park natyror po tërheq turistë vendas dhe të huaj, të cilët zgjedhin të kalojnë një ditë ndryshe me miqtë apo familjarët e tyre.

Ditët e fundit ky park natyror është bërë më i frekuentuar falë investimit të shumëpritur, vendosjes së një treni elektrik, i cili do të bëjë të mundur transportin e vizitorëve nga porta në hyrje deri tek burimi.

Investimet e kryera vitet e fundit në parkun natyror të “Syrit të Kaltër” e kanë kthyer këtë vend në një prej siteve turistike më të mrekullueshme, ku vizitorë nga e gjithë bota ndalen për ta vizituar .

Gazetare: Ledja Fili

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.