Virozat e stinës, rreth 50 vizita ditore në pediatri, të prekura të gjitha grup moshat

Sociale | 2 vite më parë

Rreth 50 fëmijë të grup moshave të ndryshme paraqiten çdo ditë për të marrë shërbimin mjekësor pranë Urgjencës së Pediatrisë në Spitalin Rajonal të Korçës. Temperaturat e larta dhe virozat e stinës së verës kanë sjellë çrregullime shëndetësore tek fëmijët por kjo nuk është një situatë shqetësuese pohon shefi i shërbimit të pediatrisë.

“Simptomat kryesore të fëmijëve kanë qenë ato të cilat janë karakteristike për stinën e verës siç janë ato të sistemit gastrointerstinal”, u shpreh Robert Rado, Shef i shërbimit të pediatrisë, Korçë.

Mjeku pediatër këshillon prindërit të tregojnë kujdes të shtuar sa i takon higjienës së fëmijëve por edhe ushqimit. Sa i takon Koronavirusit, Rado thotë se raste të prekurish tek fëmijët nuk ka pasur. Sa i takon virozave të stinës, nuk ka pasur raste me komplikacione.

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.