Vrasja e biznesmenit Ardian Nikulaj- Prokuroria mbyll hetimet për portugezin Ruben Saraiva

Aktualitet | 2 vite më parë

Prokuroria e Lezhës ka mbyllur hetimet në lidhje me portugezin Ruben Saraiva, i akuzuar për vrasjen e biznesmenit Ardian Nikulaj në Shëngjin.

Nën masa të forta sigurie, 29-vjeçari u paraqit këtë të premte në prokurori, ku iu komunikuan akuzat “vrasjes për gjakmarrje” dhe “armëmbajtje pa leje”.

Dosja penale tashmë pritet të dërgohet për gjykim në gjykatën e Lezhës, e veçuar nga të akuzuarit e tjerë të cilët nuk janë ekstraduar ende nga Britania e Madhe.

Atentati ndodhi në prill të 2023, ku biznesmen Ardian Nikulaj u ekzekutua në lokalin e tij në plazhin e Shëngjinit. Për ngjarjen u arrestua portugezi Ruben Saraiva, ndërsa të akuzuar janë edhe 4 shtetas britanikë që dyshohet se janë porositësit e atentatit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.