Momente të vogla tensioni te Barcelona para seancës stërvitore përpara ndeshjes të së mërkurës mbrëma kundër Interit. Hansi Flick nuk i toleron vonesat dhe është një nga rregullat që ai ka vendosur që kur mbërriti në Barcelonë dhe më shumë se një lojtar e ka përjetuar tashmë nga dora e tij.

Lamine Yamal, Ansu Fati, Iñigo Martínez dhe Fermín Lopez u shfaqën në fushë pak vonë, Flick ishte aty duke i pritur dhe i qortoi për qëndrimin e tyre. Ishte Gavi ai që u tërhoqi shpejt vëmendjen dhe i ftoi të nxitonin drejt pjesës tjetër të shokëve të tyre. Të katër do të jenë rregullisht në fushë kundër Interit, por sigurisht që kanë përfunduar në librin e zi të trajnerit gjerman.

Inaki Pena dhe Jules Kounde kanë paguar çmimin për rregullat absolute të Flick-ut në këtë sezon. Mungesa e përpikmërisë së portierit i kushtoi atij vendin e titullarit në janar: i ndëshkuar kundër Athletic Bilbaos, ai nuk u kthye më, edhe sepse Szczesny luajti disa ndeshje të shkëlqyera. “Ata janë profesionistë. Duhet të arrijnë në kohë. Është hera e tretë që ndodh dhe nuk kam zgjidhje tjetër”, shpjegoi trajneri gjerman.

Mbrojtësi francez, një shtyllë e pazëvendësueshme e mbrojtjes, pagoi çmimin e vonesave me pankinën ndaj Alavés, Espanyol dhe Rayo Vallecano.