Zbulohet magazina me lëndë piroteknike në Tiranë, arrestohet 51-vjeçari. Dyshohet se ua shiste protestuesve të maskuar

Aktualitet | 44 minuta më parë

Një ambient ku magazinoheshin lëndë piroteknike të dyshuara si të kontrabanduara është zbuluar në Tiranë, në kuadër të fazës së tretë të operacionit “Fireworks”.

Në pranga përfundoi 51-vjeçari D. K., i cili administronte një magazinë në rrugën “Çamëria”, pranë “Tregut Çam”.

Gjatë kontrollit në ambient, policia gjeti dhe sekuestroi 1853 fishekzjarrë. Sipas policisë, 51-vjeçari nuk dispononte licencë për shitjen e këtyre mallrave dhe as dokumentacion që të provonte blerjen e tyre.

Sipas hetimeve paraprake, dyshohet se i arrestuari u kishte shitur lëndë piroteknike personave të maskuar, të cilët dyshohet se janë përfshirë në veprime të dhunshme gjatë tubimit të zhvilluar më 24 tetor 2026.

Materialet procedurale për rastin i janë referuar Prokurorisë për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.