Zjarr në ish-fushën e mbetjeve në Vlorë, ndërhyjnë zjarrfikëset

Aktualitet | 5 muaj më parë

Një vatër zjarri është regjistruar mbrëmjen e kësaj të mërkurë në ish-pikën e grumbullimit të mbetjeve urbane brenda qytetit të Vlorës.

Flakët kanë përfshirë zonën ku më herët depozitoheshin mbetjet, ndërsa në vendngjarje kanë mbërritur menjëherë forcat zjarrfikëse, të cilat po punojnë për vënien nën kontroll dhe shuarjen e zjarrit.

Edhe pse prej më shumë se tetë muajsh mbetjet e qytetit depozitohen në Landfillin e Sherishtës, ish-fusha e mbetjeve është përfshirë sërish nga flakët.

Ende nuk dihen shkaqet e rënies së zjarrit, ndërsa autoritetet pritet të kryejnë verifikimet përkatëse.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.