Zjarri në Çërrilë të Mallakastrës vihet nën kontroll, flakët neutralizohen plotësisht

Aktualitet | 2 muaj më parë

Pas disa orësh përballje me flakët, zjarri që përfshiu zonën e Çërrilës në Mallakastër është neutralizuar plotësisht. Zjarri i përmasave të mëdha nisi mesditën e djeshme (6 shtator) në një sipërfaqe të mbuluar me pisha, ullishte dhe bimësi, ndërsa u përhap me shpejtësi për shkak të erës së fortë.

Ndërhyrja e forcave zjarrfikëse është vështirësuar nga terreni i thyer, duke e bërë të vështirë aksesin në disa prej vatrave të zjarrit. Pavarësisht ndërhyrjes, flakët u riaktivizuan gjatë orëve të natës.

Që në orët e para të mëngjesit të sotëm, shërbimet zjarrfikëse të Mallakastrës kanë vijuar punën në terren për shuarjen dhe neutralizimin e plotë të vatrave të mbetura.

Pas ndërhyrjes së ekipeve, zjarri tashmë është shuar, ndërsa situata në zonë paraqitet e normalizuar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.