Zjarri përfshin pallatin në Belgjikë, të paktën 6 të vdekur, disa të lënduar

Botë | 4 muaj më parë

Të paktën gjashtë persona humbën jetën dhe disa të tjerë u lënduan si pasojë e një zjarri që përfshiu një pallat me dhjetë kate në Antverp të Belgjikës.

Ndërtesa strehonte më shumë se 200 persona.

Forcat zjarrfikëse, ambulancat dhe ekipet e emergjencës shkuan menjëherë në vendngjarje, por vënia nën kontroll e flakëve u paraqit e vështirë për shkak të përmasave dhe intensitetit të tyre.

Mediat lokale raportuan se po hetohet shkaku i zjarrit, por sipas policisë së Antverpit, besohet se zjarri nisi në katin e parë të ndërtesës, ku, sipas banorëve, po kryheshin punime në rrjetin e furnizimit me energji elektrike.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.