Në kuadër të 1 Majit, Ditës Ndërkombëtare të Punës, Komisioneri për Mbikëqyrjen e Shërbimit Civil, znj. Lefterije Lleshi (Luzi), ka përcjellë një mesazh mirënjohjeje dhe vlerësimi për të gjithë nëpunësit civilë dhe punonjësit e administratës publike. 

Komisionerja ka theksuar se puna e tyre e përditshme, e bazuar në profesionalizëm, përgjegjshmëri dhe përkushtim, është një kontribut i çmuar në shërbim të interesit publik.

Ajo ka nënvizuar se forcimi i administratës publike, respektimi i standardeve ligjore dhe garantimi i të drejtave të nëpunësve civilë janë vlera themelore për ndërtimin e institucioneve të besueshme dhe funksionale. 

 “Në Ditën Ndërkombëtare të Punës, shpreh vlerësimin për të gjithë nëpunësit civilë dhe punonjësit e administratës publike, të cilët me profesionalizëm, përgjegjshmëri dhe përkushtim i shërbejnë interesit publik çdo ditë.” 

Sipas saj, forcimi i administratës publike, respektimi i standardeve ligjore dhe garantimi i të drejtave të nëpunësve civilë janë vlera thelbësore për ndërtimin e institucioneve të besueshme dhe funksionale. 

“Mirënjohje për kontributin tuaj. Gëzuar 1 Majin!”- përfundon mesazhi i KMSHC

/rtsh.al/