Kryedemokrati Sali Berisha në një deklaratë për mediat pas paraqitjes së përvajshme në Prokurorinë e Posaçme (SPAK) u pyet nëse do e njohë kreun e ri të SPAK i cili pritet të marrë detyrën gjatë muajit dhjetor. Në fjalën e tij, Berisha deklaroi se mbështet çdo prokuror e gjykatës, ndërsa shton se besimi i tij politik është Kushtetuta dhe ligji.

“Siç e sheh unë jam këtu dhe njoh çdo institucion të këtij vendi. Janë 4 kandidatë. Një nga të katërt, s’kam asnjë lidhje e dijeni për asnjë prej atyre që zgjidhen, Uroj të jetë i pakapur nga krimi.

Absolutisht unë mbështes çdo prokuror, çdo gjykatës, çdo hetues, çdo polic dhe cilindo që zbaton ligjin. Unë jam njeri i shtetit ligjor.

Besimi im politik është Kushtetuta dhe ligji”, deklaroi Berisha.

Gara për kreun e institucionit më të rëndësishëm të drejtësisë kundër korrupsionit të lartë dhe krimit të organizuar do të zhvillohet mes katër emrave: Klodian Braho, Elvin Gokaj, Doloreza Musabelliu, dhe Adnan Xholi

/rtsh.al/