Dy ditë nga finalja e Kupës së Botës dhe Franca është në alarm për shkak të mungesave të disa lojtarëve në stërvitje. Sipas “L’Equipe”, Didier Deschamps-it i është dashur që të bëjë llogaritë sot me plot pesë mungesa në grup.

Virusi – Ashtu siç pritej dy të infektuarit e parë me “virusin e deveve”, Adrien Rabiot dhe Dayot Upamecano kanë infektuar dhe tre lojtarë të tjerë. Siç dihet ky virus është shumë i ngjashëm me “covid-19” dhe “mers”-in dhe për këtë arsye transmetohet shumë lehtë. Ditën e sotme “L’Equipe” zbuloi se Kingsley Coman nuk është shëruar ende nga ky virus ndërkohë që llogaritë me këtë sëmundje tani duhet t’i bëjnë dhe Raphael Varane e Ibrahima Konaté.

Të dëmtuarit – Nga ana tjetër stërvitjen e sotme e humbën edhe Aurelien Tchuaméni e Theo Hernández. I pari ka pësuar një dëmtim të lehtë në artikolacionin kokso-femoral ndërsa mbrojtësi i Milanit ka marrë një goditje të fortë në kavilje. Që të dy lojtarët e talentuar janë lënë jashtë programit të ditës së sotme pasi stafi mjekësorë nuk do që të rreziokojë.