Gjirokastër, spektakël fishekzjarresh, me rrugët bosh

Kulturë | 6 vite më parë

2020 apo viti i pandemisë i ktheu edhe një herë shqiptarët në kohët e shkuara, ku nata e ndërrimit të viteve festohej në shtëpi. Me ndalimin e lëvizjeve që në orën 20.30 rrugët e qytetit të gurtë u zbrazën dhe, si kurrë ndonjëherë për tre dekada, çdo familje u bë bashkë për t’i dhënë lamtumirën këtij viti të vështirë.

Qetësi në rrugë, por ngrohtësi në çdo vatër familjare të bashkuar si rallëherë në pritje të vitit të ri.

Mes trokitjeve të gotave dhe spektaklit të fishekzjarreve, të hedhur nga kalaja e Argjiros, gjirokastritët përcollën urimet me shpresën se 2021 do të jetë më i mirë.

RTSH Gjirokastra uron për një vit, ndryshe nga ai që përcollëm, plot gëzime e shëndet në çdo familje shqiptare.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.