“Lindja e Krishtit”, ikona e rrallë e Kishës së Shën Kollit të Rehovës

Kulturë | 6 vite më parë

Ikonat janë pjesë e trashëgimisë shpirtërore që ruhen në mjaft kisha të vendit, e që kanë njohur mirëmbajtje për të mos u dëmtuar si pjesë e një tradite që daton herët në kohë.

Një prej tyre, është ikona “Lindja e Krishtit” e cila bën pjesë në ciklin e ikonave të Festive të Mëdha dhe është pikturuar për ikonostasin e kishës së Shën Kollit në Rehovë.

Ikona është pikturuar në shekullin e XIX dhe sot ekspozohet së bashku me ikonostasin e kësaj kishe në njërin prej ambjenteve më të bukura të Muzeut Kombëtar të Artit Mesjetar në Korçë.

Në anën e djathtë të ikonës paraqiten njerzit e ditur, magët të cilët të udhëhequr nga ylli arrijnë në vendin e ngjarjes së madhe. Në duar ata mbajnë dhuratat për Jezuin e sapolindur.

Mbi foshnjën e sapolindur paraqitet ylli që bie dhe ndriçon grazhdin. Ky është një fenomen kozmik që sjell nga bota sipër nesh lajmin e lindjes së një “qiellori mbi tokë”.

Është momenti ku njerëzit marrin prej krijuesit të gjithësisë lajmin se pavarësisht gjithçkaje, falja është e pranishme dhe se ka ardhur për të qenë gjithmonë pranë nesh./Atsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.