Ditët konsullore në Dublin, në ndihmë të shtetasve shqiptarë në Irlandë

Europë | 2 vite më parë

Ministria për Evropën dhe Punët e Jashtme përfundoi ditët konsullore në Dublin, një nismë për t’i ardhur në ndihmë shtetasve shqiptarë që jetojnë e punojnë në Irlandë.

Ministri Igli Hasani në rrjetet sociale ka ndarë fotot ku shtetasit shqiptar aplikojnë për mjetet e identifikimit.

“Ditët konsullore janë pjesë e projektit “Ishujt”, të zbatuar në Greqi e Irlandë në periudhën prill – qershor 2024, gjatë të cilit u ofruan rreth 2 mijë shërbime konsullore për shtetasit shqiptarë që banojnë në këto dy shtete”, shkruan Hasani.

“Ishujt”, shkruan ministri Hasani, aplikohet për të tretin vit radhazi duke lehtësuar ndjeshëm shërbimin, përmes shkurtimit të kohës dhe dokumentacionit, për të gjithë ata shtetas që aplikojnë për dokumente identifikimi apo shërbime të tjera konsullore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.