“Fuqizimi i gruas, është në fokus të Partisë së Lirisë”, kështu ka deklaruar nga studio e RTSH 24 Ines Shehu, sekretare për fuqizimin e gruas pranë kësaj force politike.

Shehu u shpreh se nisma për fuqizimin e gruas është një revolucion në gjithë shoqërinë shqiptare. Ajo theksoi se ky revolucion arrihet përmes 5 prioriteteve.

“Në politikë s’mund të gjesh gjërat gati. Duhet të ecësh me ritmin e z.Meta që është vërtetë shumë i shpejtë.

Ky revolucion do arrihet me 5 prioritetet: Ndalimi i shpopullimit; rritja e pagave dhe pensioneve; investimi te kapitali njerëzor; dyfishimi i buxhetit për arsimin dhe kërkimin shkencor; dhe ulja e kostos së jetesës; Shqipëria, fuqi eksportuese.

Gruaja është fokus në Partinë e Lirisë, sepse është shtylla kryesore e një familje. Duke ngritur një grua, ngremë një familje. Duke ngritur familjet shqiptare, ngrihet automatikisht dhe shoqëria. Kjo është baza për zhvillimin e grave”, tha Shehu.

/rtsh.al/