Pozita e serbëve në veri të Kosovës në fokus të takimit Vuçiq-Hill

Rajon | 3 vite më parë

Presidenti i Serbisë, Aleksandër Vuçiq, (Aleksandar Vucic) ka takuar sot (11 mars) ambasadorin amerikan në Beograd, Kristofer (Christopher) Hill, me të cilin ka diskutuar ndër të tjera për pozitën e serbëve në Kosovë dhe vendimin e BQK-së për ndalimin e përdorimit të dinarit.

Takimi është njoftuar nga presidenti Vuçiq me anë të një postimi në rrjetin social Instagram.

“Një bisedë e hapur me ambasadorin Christopher Hill për pozitën e serbëve në Kosovë, situatën e ndërlikuar gjeopolitike dhe çështje të tjera me interes të ndërsjellë”, tha Vuçiq.

Presidenti Vuçiq bën me dije se në takim ka përsëritur bindjen e Serbisë në përkushtimin për ruajtjen e paqes dhe stabilitetit në rajon, si dhe për përmirësimin e mëtejshëm të marrëdhënieve dhe bashkëpunimit dypalësh mes dy vendeve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.