Shqip
English
Français
Deutsch
Ελληνικά
Italiano
Srpski
TürkçeDitët festive – Urgjenca e spitalit rajonal në Elbasan do të punojë me kapacitet të plotë
Stafi mjekësor i Urgjencës së Elbasanit është duke punuar me staf të plotë për të përballuar rastet e njoftuara për festat e fundvitit. Bluzat e bardha këshillojnë banorët që gjatë mbrëmjes së ndërrimit të viteve, të mos abuzojnë me pijet alkoolike dhe ushqimet e tepërta, pasi nga eksperienca e viteve te kaluara, rastet kanë qenë të shumta.
Nga ana tjetër edhe prindërit duhet të bëjnë kujdes me fëmijët sidomos në përdorimin e fishekzjarrëve.
Urgjenca e Spitalit Rajonal ne Elbasan është e përgatitur që të përballojë jo vetëm rastet e aksidenteve që vijnë si pasojë e konsumimit të alkoolit gjatë këtyre ditëve, por dhe me numrin e shtuar të pacientëve të cilët marrin mjekim nga virozat stinore.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
