Këshillimi i karrierës jo vetëm për nxënësit në hapat që vendosin për degën që do të studiojnë, por edhe te studentët vlerësohet si një proces me mjaft rëndësi . Ekspertë të këshillimit të karrierës  folën nga afër me student të Fakultetit të Biznesit në universitetin “Aleksandër Mosiu” në Durrës.

“Ka një keqinterpretim të këshillimit të karrierës dhe e dyta se si ato mund ta marrin këtë shërbim. E rëndësishme është investimet që duhet të bëjnë këto universitete në përgatitjen e stafit që punon në orientimin në karrierë”, u shpreh Edlira Muedini, Eksperte e këshillimit të karrierës.

Kamila Seidolli, studente e vitit të tretë, flet mbi përvojën e një viti më parë pasi mori informacion në zyrën e këshillimit të karrierës. Për Ina Lushkën, Drejtore e Drejtorisë së Administrimit dhe Shërbimeve Studentore është ë rëndësishme ndërlidhja e studentëve me biznesin për praktikat e punës.

“Zyra e karrierës ka kontakte me shumë biznese dhe kompani të cilat bëjnë integrimin dhe ndërlidhjen e studentëve sipas profileve të caktuara”, u shpreh Ina Lushka, Drejtore e Drejtorisë së Administrimit dhe Shërbimeve Studentore.   

Në këtë takim studentët morën këshilla se si mund të hartohet jetëshkrimi, letra e motivimit apo si të përgatiten për një intervistë pune.

/RTSH/