Në Shërbimin Social Shtetëror në Gjirokastër është shënuar një rënie e numrit të personave që trajtohen me ndihmë ekonomike përgjatë këtij viti. Nga 808 persona që trajtoheshin në janar, aktualisht trajtohen 711. Kjo ulje vjen si rezultat i punësimeve të ndërmjetësuara nga institucioni.

Magdalena Margariti, Drejtoreshë e Shërbimit Social Shtetëror, Gjirokastër” tha se kjo ulje i dedikohet punësimeve sepse rreth 100 persona janë punësuar”

Një ndikim pozitiv në punësimin e këtyre individëve ka pasur bashkëpunimi ndërmjet Shërbimit Social Shtetëror, Zyrave të Punës dhe Qendrave të Arsimit Profesional, duke krijuar më shumë mundësi integrimi në tregun e punës.

Puna e koordinuar mes institucioneve ka ndihmuar jo vetëm në reduktimin e varësisë nga ndihma ekonomike, por edhe në integrimin e mëtejshëm të këtyre individëve , duke i dhënë një mundësi të re për të qenë aktivë dhe të pavarur ekonomikisht.

/rtsh.al/